Patay sa engkwentro ang isang hinihinalang akyat-bahay sa Marikina City.
Ayon sa pulisya, rumoronda sila sa Barangay San Roque nang maaktuhan nila ang dalawang lalaki na nanloloob umano sa isang bahay.
Matapos maglabas ng baril ang mga suspek ay pinaputukan ng mga ito ang mga papalapit na pulis.
Dito na gumanti ng putok ang mga pulis at napatay ang isa sa mga lalaki habang nakatakas ang kasama nito.
Narekober sa pinangyarihan ang baril na ginamit, mga bala at sling bag na naglalaman ng kutsilyo at cellphone.
Inaalam pa ng pulisya ang pagkakakilanlan ng mga suspek.
Facebook Comments
