Sa report sa Sta. Ana Police Station, girespondehan nila ang tawag sa Barangay Kapitan sa Brgy. Centro San Juan, Agdao sa giingong armadong akyat bahay suspect nga giilang si Alyas Kenny.
Atol sa pagduol sa mga intel operative kauban ang chief tanod sa barangay aron iberipika ang identity sa maong suspek kinsa naglingkod sa e-bike alegasyong nibunlot og baril ug gipabuthan niini ang police officer hinungdan mibalos usab pagpusil aron maproteksyunan ang kaugalingon sa peligro.
Gidala ang suspek sa SPMC apan gideklara na kining dead on arrival.
Narekober sa DCFU SOCO 11 Team sa pagpanguna ni PEMS Sherwin Q. Balmores nga nilusad og parallel investigation sa crime scene, ang One (1) unit .38 caliber revolver nga walay serial number nga loaded og 3 ka bala, 3 kabuok nga basyo sa caliber 9mm, 1 metal fragment, ug deformed fired bullet.
Sa gipahigayong post mortem and paraffin sa patay’ng lawas sa suspek sa SPMC, narekober sulod sa black sling bag ang coin purse nga adunay suspected shabu nga mobalor sa P8,640.
Matud sa Sta. Ana PNP, ang namatay nga suspek usa ka theft personality nga nagabiktima sa ilang area of responsibility ug nadakpan kini niadtong August 13, 2019 sa kasong droga sa Republic Act no. 9165 ug nakagawas pinaagi sa Plea-Bargaining Agreement apan nalambigit kini sa pagpangawat.
RadyoMaN Aimee Guinita
