Davao City – Maayo ang epekto sa Martial Law dinhi sa syudad sa Davao ingon man sa kinatibuk-ang Mindanao.
Kini mao ang assessment ni Davao City Vice Mayor Bernard Al-ag atol sa gipahigayong AFP-PNP Presscon sulod sa usa ka dakong hotel dinhi sa dakbayan sa Davao karong adlawa.
Sumala ni Al-ag nga base sa datos sa Davao City Police Office (DCPO), miubos sa 25% ang crime rate sa syudad.
“These are all positive indicators despite of the Martial law which will last until December 31 this year. The effect is really positive effect to the Davaoeños,” segun niini.
Dugang sa bise mayor nga mihinay sa unanag bulan sa implementasyon ang dagan sa ekonomiya sa Davao apan namawi kini human sa duha ka bulan.
Kahinumduman nga gibutyag ni Presidential spokesperson Harry Roque kaniadtong Mayo 5, 2018, nga base sa 2017 Gross Regional Domestic Product (GRDP) Growth Rate, nahimong ikaduha ang Davao City isip fastest growing regional economy sa Pilipinas nga adunay 10.9% growth rate.
Gitataw ni Al-ag nga maayo ang dagan sa ekonomiya gumikan usab sa maayong peace and order sa Davao.
“The result of this (having a good peace and order) is a good economic growth for the city, more jobs for our people and more investment for our city,” pasabot niini.
RadyoMaN Jason Amisola
