Davao City – Gikumpirma karon ni Davao City Vice Mayor Bernard Al-ag nga wala kini daganan nga posisyon karong muabotay nga 2019 Midterm Elections.
Sa interview ni RadyoMaN Erin Lumosbog kaniya miingon kini nga aduna nay napili nga runningmate si Mayor ‘Inday’ Sara Duterte-Carpio.
‘‘Isip miembro sa partido (Hugpong ng Pagbabago), I respect the decision ug gina suportahan nato ang desisyon sa atong mayor ug ang desisyon sa partido,” matod ni Al-ag.
Niadtong milabayng semana kahinumduman nga adunay mga pangalan ang ginapilian nga mudagan pagka-vice mayor sa syudad ug usa na dinhi si Bernard Al-ag.
Sa pangutana kung kinsa ang running mate ni Mayor Sara giingon ni Al-ag nga hulaton na lamang ang anunsyo sa inahan sa dakbayan karong adlaw o ugmang adlawa.
Hinuon gitino niini nga bisan pa man dili kini mudagan karong eleksyon magpapili usab ang iyang igsuon nga si Nonoy Al-ag alang sa 3rd District samtang inig mahuman na ang iyang termino isip vice mayor, gibutyag ni Al-ag nga mag focus una kini sa iyang negosyo ug i-practice usab ang iyang pagka-doktor.
RadyoMaN Abi Bibera
