Dumarao, Capiz- Arestado ang isa ka persona nga nagpinalupok sang armasluthang sa Brgy. Janguslob Dumarao.
Narekober sa 30-anyos nga suspek nga si Bryan Lentija y Castronuevo sang Brgy. Tapacon Bingawan, Iloilo ang isa ka .22 caliber revolver nga may apat ka mga bala.
Sang ini ang ginrespondehan sang mga kapulisan, natigayon nga makuah sa posession sini ang isa pa ka granada.
Ang amu nga persona ang nadakpan matapos nga nakabaton sang report ang mga otoridad nga ini ang nagatuga sang alarma sa nasambitan nga lugar.
Magapangatubang sang kaso nga pagbayolar sa RA 10591 ukon Illegal Possession of Firearms and Ammunitions ang suspek nga sa subong ang nakahunong na sa lock up cell sang Dumarao PNP.
Facebook Comments
