Alaska owner, itinangging nagkaroon ng re-shuffle sa coaching staff ng koponan

Itinanggi ni Alaska owner Wilfred Uytengsu na nagkaroon ng re-shuffle sa coaching staff ng Alaska Aces.

Ito ay matapos lumabas ang balitang papalitan ni Jeffrey Cariaso si Alex Compton bilang head coach ng Aces matapos mabigong makuha ang kampeonato sa nakaraang PBA season.

Ayon kay Uytengsu, walang katotohanan na magkakaroon ng palit ng liderato sa coaching staff ng team.

Gayunman, pansamantala aniyang hahawakan ni Cariaso ang Aces habang nasa America si Compton para sa personal na bagay.