Ya sale bien desgustao el consejal del destrito dos, el Honorable Miguel “Mike” Alavar III despues nohay suporta conele el otro maga consejales sobre el disuyu deseo para manda conversa con el tres otro maga alegao victima de “harassment” del cuantos miembro del Highway Patrol Group. Si Alavar ya invita con el mismo hefe del HPG y otro maga miembro quien el ta opera na ciudad contra maga “hot cars” despues el vejiculo del su hermana ya queda sobjeto de invetsigacion na calsada. Asegun con Consejal Alavar ta mira le gende proprio el proceso del maga pulis del HPG despues estos yamanda man bulicad adentro del vejiculo con un civilian que asegun auxiliary del HPG. Si Alavar por cuantos beses ya habla que gende hot car el vejiculo del su hermana ciendo brand new este ya compra desde na un companiya del vejiculo. Durante el sesion na consejo ya abuya elmismo hefe del HPG y cuantos mienbro y lo mismo ya imbita tambien si Alavar con tres maga civilian quien alegaomente ya experiencia tambien el cosa sila ya experiencia con cuantos miembro del HPG donde el unu del tres ya habla que ya planta pa pusil conele el pulis antede saca consu vejiculo. Na sesion para manda ya era conversa na podium con el tres maga car owners pero ya sale desgusta si Alavar despues cuantos otro consejal ya sangga y dolomismo que estos defense lawyers del HPG. Asegun con Alavar nohay man era cosa malo si permiti conversa con el tres reclamante para manda mira na publico no solamente el familia Alavar ya experiencia el soseso desde con el maga HPG.
