Giklaro karon ni PNP Director-General Oscar Albayalde nga dili i-tolerate sa iyang kamanduan ang bisan unsang porma sa kalapasan sa tawhanong katungod diha sa pagpatuman sa tanang mga law enforcement operations sa nasudnong kapulisan.
Sa nagpadayong news presser, gitino ni Albayalde nga subli niyang gisangun ngadto sa abaga sa mga ground commanders sa ‘officer-led operations’ ang pagseguro nga ang tanang lagda sa balaud masunod.
“Control and supervision, accountability and responsibility is in the hands of the commanders…I urge all law enforcers to exercise sound judgment during actual police operations,” dugang ni Albayalde.
Sa mga kritiko sa peace and order campaigns sa kapulisan, siya nihagit nga kadtong adunay mga reklamo o complaint mopakita lamang ug ang PNP andam ug tagana nga mo-imbestigar ug atubangon ang tanang mga sumbong nga isang-at batok sa mga law enforcers, segun sa hefe sa PNP.
RadyoMaN June Duterte
