Sa una nimong tan-aw sa lugar (*Hi-Way Hermano, Balingasag Misamis Oriental*) diin nahimutang ang pag panghilot ug pagtambal abi nimo`g adunay “Fiesta” pero kung imong tan-awon sa doul toa didto ang usa ka albularyo (*person who heals*) nga gitapukan sa daghang tawo nga nagpatambal.
Sa atong pag pangutana sa mga tawo didtong dapita ang ilang ingon nga kini nga albularyo gikan pa sa nagkalain-laing dapit sa Mindanao ug nagbaklay (walk by foot) lang kini aron mapaabot ang iyang serbisyo sa mga tawong mituo nga matambalan ang ilang mga nagkalain-laing sakit.
Nag gikan pa sa ubang dapit ang mga nagpatambal niining albularyo, nay gikan pa sa Davao City, Gingoog City, Bukidnon ug uban pang parte sa Mindanao nga mosaksi ug magpatambal sa ilang gipambati. Dili kini modawat bisan piso nga bayad sa iyang mga na tambalan busa isa kini sa mga rason nga nadasig ang mga katawhan nga magpatambal ug daghan na ang mga nauli-an sa iyang pagpanambal.
Matud pa sa atong mga nahinabi ug mga nakasaksi sa maong pagpanambal, bisan unsang sakit iyang tambalan susama sa Barang, Bakol, na Stroke ug uban pa pinaagi sa iyang paghawid (touch) sa pasyente niini.
