El alcalde Beng Climaco ya expressa concierne con el su seguridad despues con el matansa del Tanauan City Mayor Antonio Halili del ayer durante el flag raising ceremony.
Asegun con Climaco, ta recivi ya le maga amenaso desdel anyo 2014 despues con el un incidente aqui na ciudad de zamboanga, pero ya entranya asegun ele cuando ya aparece ya tambien el maga amenaso despues el guera na Marawi por medio na maga commento posted na social media hablando que combiene ay curta con su cabesa.
Si Climaco ya habla, amediante que ta considera le serioso con este maga amenaso, pero hende asegun le impone cambio na conducida del flag raising ceremony, por causa ta dale asegun le confiansa con el maga police y militar aqui na ciudad.
Hende tambien asegun este queda rason para descansa le con el su trabaho lleva servicio con el maga vivientes del ciudad.
