El alcalde Beng Climaco-Salazar con orgulio ya expresa su commendacion y ya congratula con el Zamboanga Valiente Team quien ya sale victorioso del mas reciente durante el Maharlika Pilipinas Basketball League (MPBL) Anta Cup na Biñan,Laguna.
El team Zamboanga Valiente quien “nuevo cara” na MPBL ya sale ganao contra con el Laguna Host Team con score de 86-80 durante del huego del Junio 14 na Alonte Sports Complex.
Asegun con el maga sport analysts el ganancia del Zamboanga Valiente considerao como el que se llama “good first impression” que ya puede avantia con el otro team masquin pa Nuevo pa lang estos ta hace nombre na mundo de basketball.
Asegun con Mayor Beng el Zamboanga Valiente team que ta dueña familia Navarro que ta soporta el Family’s Brand Sardines y otro maga quien ta soporta tiene el egual advocacia y el govierno local que ta rempuja el deportes na maga jovenes.
El maga Zamboangueños ya continua soporta y dale el coraje con el Zambaonga Valientes Team como el primer team de Zamboanga City yah ace buen nombre na MPBL.
El Zamboanga Valientes teamta composite el cuantos ex-professional talents ta incluji si Jonathan Paranno, el team captain, quien ultimo ya juga na Kia Picanto (ahora el Columbian Dyip) del 2014-2015 season.
Otro miembros del team amo el antes San Miguel player Leo Avenido, Australian-based guard Eric Miraflores, Chico Lanete’s hermano di Von Lanete y ex-Barako Bull Reed Juntilla. El team officialmente ya man launched del June 8 na Taguig City na Manila.
