El alcalde Beng Climaco-Salazar ta pidi aura ayuda con el Chairman del Committee on Infrastructure na Kamara de Representantes, el Congresista Celso Lobregat para facilita el de pronto compleccion del mga proyekto del govierno nacional aqui na ciudad que ta alcansa por cuatro aƱos ya.
Durante el entrevista del myembros del prensa con el alcalde na city hall enantes aga, ele ya abla cay sabe ele el fuerza y influencia aura del Congresista Lobregat na presente administraccion del Presidente Duterte, donde apiqui este na cusina poreso mas major si ayuda este con el govierno local hace de fronto el proceso y cumpleccion del mga proyecto que ta implementa el mga ahencia nacional aqui na ciudad.
Si Climaco ya abla cay no fuede el con su fuerza local esperanza mucho desdel mga ahencia nacional que ta supervise estos maga proyecto aqui na ciudad, poreso esperando ya lang ele cuando este hay fuede acava.
Pormedio asegun del intervenccion del Congresista Lobregat, estos mga ahencia hay menia de pronto por el de este credebilidad y influencia na mga ahencia de govierno. – *Bhong Simbajon/RMN News*
