Ta pidi el alcalde Beng Climaco-Salazar con el myembros del Regional Peace and Order Council (RPOC) para conduci revalidaccion con el listahan del mga personalidad que alegaomente embuelto na mga transaksyon de illegal droga aqui na rehiyon particular na ciudad de Zamboanga.
Asegun con el alcalde, el listahan de droga del Presidente Rodrigo Duterte de mas temprano ya obtene questionable mga reaksyon porcausa nuay este bastante verificaccion.
Aqui na ciudad, si Climaco ya abla cay el listahan del otoridad aserca de droga ya man validate embuenamente antes sila coneste ya reporta na mas alto ahensya concierne como el Department of Interior and Local Government (DILG) na mez de Octubre.
Sin embargo, ya saca atenccion del alcalde amo el separao lista que hinde el PRRD list que ya presenta na RPOC meeting del Setyembre 14, donde este listahan ya esta sentro de reclamo na Malacañang y el mga persona na lista ya sumite el diila cada cualan affidavits para limpya diila qualquer nombre. *- Bhong Simbajon/RMN News*
