El alcalde Beng Climaco ya conveni con el Zambo Investment Board por el final meeting para descuti el mga buen plano y programa por el venedero año 2018 lo mismo descuti el diila mga accomplishmento por el año ya pasa.
Inclujido na agenda amo el presentacion del aprovao Private Public Partnership (PPP) Code and PPP projects que ya sumite na DILG, presentacion del harmonized investment promotion services plan, draft budgetary program for 2018, presentation del nuevo chamber president Rufo Soliven, profuesto creacion del un Local Economic Development Council, presentacion del incentive awardees report y el approvamiento del mga resolution que ta suporta el establishmento del un container port na Zamboecozone area, lo mismo el promosyon del halal industry aqui na ciudad de Zamboanga.
Optomismo el alcalde Climaco que llegar el año 2018 hay mas mejora pa el mga oportunidad de negocio na ciudaf,lo mismo atreje pa mas del mga negosyante el fueblo pormedio del mga buen programa de negocio. -Bhong Simbajon/RMN News
