Alcalde del Hadji Mutahmad ya larga el NBI

El National Bureau of Investigation (NBI) ya larga con Hadji Mutahmad Municipal Mayor Jamar Mansul del martes tarde despues el otoridad ya playa presenta evidencia que puede dale merito el plantada del caso encontra con el alcalde.

Si Mansul quien era munta na eroplano encamino para Kuala Lumpur Malaysia ya aresta el operativas del NBI International Airport Investigation Unit na Ninoy Aquino International Airport, donde ele el entrao na security watchlist del Departamento de Defensa Nacional por el caso de rebellion.

El nombre di Mansul entrao na watchlist que ya prepara el DND como contenido na Martial Law Instruction No.1 que ya hace sale si Secretary Delfin Lorenzana del Septiembre 4, 2017.


Si NBI Director Dante Guierran na entrevista del RMN del Martes tarde ya habla que ta espera sila con el evidencia que ay presenta el DND o PNP-CIDG y si palya sila dale nesesario evidencia ay larga sila con el alcalde.

Pormedio del un affidavit que tiene pecha Enero 23, 2017 si Mansul ta relata que con ele ya larga el NBI-IAIU despues el cuantos horas na custodia del mencionao agencia.

Facebook Comments