Davao City – Gihimakak ni Police Chief Inspector Ronald Lao, hepe sa Talomo Pnp nga adunay naka engkwentro nga anak sa usa ka opisyal sa police ang gipusil patay nga pasahero sulod sa PUJ kagahapon sa buntag.
Sumala ni PCI Lao nga adunay naka away ang biktimang si Jomar Poral apan dili anak ug pulis nga maoy usa sa gipunting sa kapulisan sa ilang imbestigasyon.
Matud ni Lao nga walay natalang insedente sa ikang buhatan nga ang biktima gi engkwentro ang anak ug opisyal sa kapulisan sa Davao nga misangko sa kinulatahay.
Kahinumduman nga gibandilyo sa uyuan ni Poral sa dihang nahinabi sa DXDC RMN Davao nga anak ug pulis ang gika away sa biktima tungod lamang sa sabaw sa balot.
Si Poral gipusil-patay sa mga armado samtang nagsakay ug PUJ sa Bangkal ning syudad sa Davao.
RadyoMaN Erin Lumosbog
