Kini human nag-viral sa social media ang usa ka menor de edad nga babayeng taga Valencia City, Bukidnon nga naghilak human matud pa gisuwayan og dagit sa wala mailhing mga indibidwal sa dakbayan.
Apan sa gipalawmang imbestigasyon sa DCPO, wala kini kamatuoran ug fake news lamang.
Gitin-aw usab sa Valencia Police Station nga walay kidnapping nahitabo ug sa ilang inisyal pagpanubay, giingong miadto kini sa Davao City aron makigkita sa hinigugma apan wala kini siputa ug wala nay pamilite pauli hinungdan nga naghimo matud pa kini og storya nga gidagit siya og puti nga van.
Hinuon, padayon pang giimbestigahan sa kapulisan ang insidente aron masuta ang tinuod nga panghitabo ug giawhag ang tanan nga mamahimong sensitibo sa mga komento tungod ang nalambigit, menor de edad lamang.
Subling nagpahinumdom ang otoridad nga likayan ang pagpakatag og balitang walay igong basehan sa social media aron dili kita makahatag og kabalaka sa uban.
RadyoMan Ivy Parido
