Davao City – Midepensa karon ang lalaking giingong nangdapat sa usa ka fire truck driver atol sa pagresponde sa kabomberohan sa miulbong sunog sa Purok 3-A, New Society Village, Barangay Ilang, ning syudad nahitabo adlaw’ng Domingo, Hunyo 2, 2019.
Kini taliwala sa mga migulang balita nga siya nangdapat sa usa ka bomber gani nahiubos ang maong lalaki.
Sa eksklusibong Interbyu kang Dennis Ombao, residente sa maong lugar, gitapion lang matud niini ang dughan sa maong fire truck driver.
Saysay Ombao, gipangayuan siya og tabang sa mirespondeng fireman nga pakusgan ang agas sa hose nga gikan sa fire truck.
Tumong nga makatabang, daling giingnan niini ang maong driver nga si Urbano Descartin, Fire Truck Driver sa Lanang Fire Station, apan nahiubos kini human nasingkahan gani natapion niini sa dughan ang maong opisyal.
Gitataw ni Ombao nga niadtong adlaw’ng Lunes pa lang na-settle na sa lebel sa kkabarangayan ang maong isyu ingon man nagpinasayloay.
Kagahapon usab nipatim-aw kini sa labaw sa Bureau of Fire Protection (BFP) aron mastoryahan ang problema gani gisaaran kini na wala nay kasong ipasaka pa.
Dugang pa niini nga nasigmuyo kini sa ubang media nga wala mikuha sa iyang bahin gani mapasalamaton sa lakang sa DXDC News Team nga pangauyon iyang anggulo sa storya.
RadyoMaN Jason Amisola
