Alegasyung cover up gitubag ni Colonel Perlas

89

Gipasabot ni PSSupt. Ramir Perlito Perlas, provincial director sa Agusan del Norte Police Provincial Office (PPO) nganong dugay ang imbistigasyon ug pag-ila sa driver sa SUV Montero nga mibangga patay sa biktimang si Dra. Zuriele Arambulo didto sa Santiago, Agusan del Norte. Sa interview sa RMN DXBC Butuan, gibutyag ni PSSupt. Perlas nga nadugay ang imbistigasyon kana aron dili masayop ang kapulisan sa pagtumbok ug suspek diin mabatikos na pod sila nga nagkuha lang ug “fall guy” aron ipatoo nga nasulbad na ang kaso. Kinahanglan masiguru nga lig-on ang ebidensya aron hingpit maangkon ang hustisya sa kamatayon ni Dra. Arambulo.
Sa karon anaa nay person of interest nga gitutukan ang kapulisan diin gikompirma sa opisyal nga usa ka pulis nga adunay asawa’ng contractor maoy tag-iya sa SUV Montero diin matud pa nakita nga gitago-an sa usa ka repair shop sa brgy. Tiniwisan ning dakbayan sa Butuan ug gikuhaan na ug plate number.

Sent from my Samsung Galaxy smartphone.

Facebook Comments