Utos ni Philippine National Police (PNP) Chief General Debold Sinas sa lahat ng police unit commanders na manatiling nakaalerto sa kabila ng mapayapang Simbang Gabi.
Aniya, kailangang maging handa ang mga pulis na rumesponde sa anumang sitwasyon ngayong holiday season.
Kaya naman, patuloy na mag-iikot ang mga social distancing patrollers upang ipatupad ang minimum health protocol sa mga magsisimba.
Partikular na ang pagsusuot ng face mask, faceshield at social distancing.
Nagpapatuloy rin aniya ang pakikipag-ugnayan ng lahat ng Police Commander mula sa Regional, Provincial at mga Chief of Police sa pamunuan ng mga simbahan para ipatupad ang health protocols.
Umaasa si General Sinas na hanggang matapos sa ika-9 na gabi ang tradisyunal na Simbang Gabi ay magiging maayos at mapayapa ito.
