Davao City- Patay si Alyas “Lupin” human giingong misukol sa mga sakop sa Talomo Police Station Drug Enforcement Unit atol sa gikasa nga operasyon kontra droga sa Lopez Village, Matina Crossing, 10:45 kagabii.
Nakig-alayon ang Talomo PNP sa Philippine Drug Enforcement Agency (PDEA XI) sa paglusad og buy bust operation aron unta dakpon si alyas Lupin apan miresulta sa konprontasyon na hinoon human giingong misukol sa kapulisan ang suspek hinungdan sa kamatayon niini.
Narekober sa mga otoridad ang pakete sa gitohoang shabu nga mukantidad og P1000, Punto 38 Rebolber, Honda XRM color pula ug itom, susi, ug duha ka helmet nga iya ni alias “LUPIN”.
Sa karon, wala pay gipagula nga dugang detalye ang Talomo PNP labot sa pagkatawo sa suspek ug ang kalihokan niini sa ilegal nga droga.
RadyoMaN Joel Viray
Facebook Comments
