CAUAYAN CITY – ISA SA MGA TINITINGNANG MOTIBO SA BOMB THREAT SA OUR LADY OF THE PILLAR COLLEGE (OLPC) SAN MANUEL, ISABELA AY ANG HINDI PAGKAKAPAYAG NG ADMINISTRASYON SA ILANG ESTUDYANTE NA KUMUHA NG PAGSUSULIT DAHIL SA HINDI BAYAD NA MATRIKULA O KAKULANGAN NG PROMISSORY NOTE, AYON SA PAUNANG IMBESTIGASYON NG PNP SAN MANUEL
BATAY SA ULAT, NATANGGAP NG PAMUNUAN NG OUR LADY OF THE PILLAR COLLEGE ANG BANTA MULA SA ISANG SOCIAL MEDIA ACCOUNT NA MAY PANGALANG “MOT MOT,” KUNG SAAN SINABING MAY ITINANIM NA TATLONG BOMBA SA LOOB NG PAARALAN NA PASASABUGIN.
HINDI PA TIYAK KUNG MAY DIREKTANG KAUGNAYAN ANG SINUMANG ESTUDYANTE SA BANTA, NGUNIT PATULOY ANG IMBESTIGASYON NG KAPULISAN UPANG TUKUYIN ANG PINANGGALINGAN NG INSIDENTE.
SAMANTALA, WALA NAMANG NASAKTAN SA INSIDENTE AT NA-CLEAR ANG EXPLOSIVE AND ORDNANCE DISPOSAL UNIT ANG LUGAR MATAPOS ANG MASUSING PAGSUSURI.
PINAALALAHANAN NG KAPULISAN ANG PUBLIKO NA ANG GANITONG URI NG BANTA AY MAY MABIGAT NA KAPARUSAHAN SA ILALIM NG PRESIDENTIAL DECREE NO. 1727 AT REPUBLIC ACT NO. 10175 O CYBERCRIME PREVENTION ACT OF 2012.
PATULOY ANG PAGHAHANAP SA RESPONSABLE SA NATURANG INSIDENTE, HABANG NANANAWAGAN ANG PNP ISABELA SA MGA KABATAAN AT MAMAMAYAN NA HUWAG GAWING INSTRUMENTO NG PERSONAL NA GALIT ANG MGA SERYOSONG ISYUNG MAY KINALAMAN SA PAMPUBLIKONG SEGURIDAD.
