Maayong Adlaw mga Idol! Unsa may mga insecurities sa inyong kinabuhi karon? Aduna ba o kontento lang mo sa inyong naangkon nga klase sa kinabuhi? Kung kontento man gani mo, maayo na nga sign.
Kadaghanan siguro nato mga idol atoa lang nang gihambin sa dugay na nga panahon. Unsa man ang inyong mga insecurities sa kinabuhi? Kamo ra gyud ang makatubag ana. Tagaan lang mo nako ug mga usual insecurities sa life.
Pananglitan: Sa magtiayon- kasagaran insecure ang asawa nga pulihan ug lain sa iyang bana and vice versa. Ang uban insecure sa ilang posture, sa ilang nawong, sa mga comments gikan sa ilahang mga friends nga tambok ka kaayo, putot, lisngag ug ilong, way shape ang lawas ug uban pa. Dili nato ikalimod nga bation sad ta ug kaguol ug makapangutana ta sa Ginoo nga nganong naa man gud tay mga apan.
Mga idol, to think positively, an-ana ka creative si Lord. Lahi lahi jud ta tanan. Dili ta perfect maong naa jud tay mga apan. Unsaon nalang no if perfect ug mga guapa ug guapo ta tanan? Boring kaayo ang world. Kanang atoang mga insecurities sa life kay mga challenge rana nato nga angay natong atubangon ug kung gamay ra gani na ayaw padakoa. Usahay over ra kaayo ta ka melancholic. Pero usahay siguro grabe ang atong mabati kong ang atong kaugalingong mga minahal sa kinabuhi ang magpunay ug saway nato. Aduna koy usa ka nadunggan nga tinoud nga nahitabo nga kining usa ka babaye insecure sa iyang kinabuhi.Mao ni ang storya:
*“Kining babayhana adunay mga igsoon nga mga guapa ug mag-apil-apil kini sila ug beauty pagent ug sya dili kay matod sa iyang mga igsoon bati daw sya ug nawong. Pero dili man jud daw ni sya bati jud kaayo ug nawong, siya lang ang kinaminusan sa iyang mga igsoon. Kwartahan ni sila ug iyang gipangandoy sa iyang kinabuhi nga iyang ipausob ang iyang nawong in the future. Grabe ang iyang gibati nga kaguol usahay kay nakahuna-huna naman gani sya ug pagpakamatay sa makaduhang higayon.Grabe na jud ni nga stage sa iyang insecurity.Walay gabii pagyud daw nga dili sya maghilak.”*
Mga idol, akoa lang hangyo nga ayaw ninyo solbara ang inyong mga problema pinaagi sa pagpakamatay. Tungod lang nga “lisngag kag ilong, pakamatay dayon?” Dili “worth it” mga idol. Walay dungog atoang death. Huna-hunaa nga importante nga baskog ka ug normal ang pinitik sa inyong kasing-kasing. Tan-awa gud nang uban o, naa nagpuyo sa kalsada, walay mga belongings, hapit wala tanan, pero kontento ug malipayon man lagi na sila?
Sige mga idol, andam kong mudawat ug mga comments mahitungod sa akoang topic karon. Ayaw mo ug kaulaw. Salamat. Have a blessed day. God bless you all!
(Written by Sr. Alona Auditor, AB-English Student, University of Cebu-Main Campus and iFM Cebu-Intern)
