Davao City – ‘Pilot testing’ pa lamang ang pag-instalar sa third restroom kun all-gender restroom sulod sa Sangguniang Panglungsod (SP) Building karong umaabot nga adlaw’ng Martes, Abril 24, 2018.
Sa ekslusibong pakighinabi kang Davao City Vice-Mayor Bernard Al-ag, giklaro niini nga dili kini usa ka ordinansa o palisiya sa tibuok syudad sa Davao.
“Sa pagkakaron testing pa lang usa ni siya kung maayo ba ni o dili nga lakang nga atong pagahimoon,” gipamahayag niini.
Sumala sa bise mayor, alang sa tanan ang maong kasilyas ilabina sa mga miyembro sa Lesbian, Gay, Bisexual and Transgender (LGBT) community aron mapugngan nga mahitabo ang diskriminasyon.
Dugang ni Al-ag, ginaprepara na lamang karong semanaha ang mga signage ug lugar kun asa ibutang ang all-gender restroom.
RadyoMaN Jason Amisola
