Sa presscon, gibutyag ni PNP spokesperson PCol. Jean Fajardo nga hugot ang ilang koordinasyon sa Davao City Police Office (DCPO) ug Police Regional Office (PRO)-XI kalabot sa dugang pang nagmaisogon nga miduol sa kapulisan. Hinuon, dili pa mabutyag sa PNP kung pila ang ihap sa nahisgutan sa rason nga maprotektahan ang ilahang identity.
Matud ni Fajardo, padayon ang ilang pakig-alayon sa DCPO sa pagpanguna ni Acting Director PCol. Hansel Marantan, ngadto sa giingong mga biktima, diin naglisod pa og sumbong ang pipila tungod sa ilang kahadlok.
“Kausap ko si Col. (Hansel) Marantan and they’re still in the process of convincing itong mga nagsasabing victims because andun pa rin daw yung takot at mga reservation. There are other agencies and law enforcement agencies also na nakikipag-usap din dito sa mga biktima na ito,” saysay ni Fajardo.
Matud sa PNP official nga posibleng gikahadlokan sa maong mga biktima mao ang “Angels of Death” kun gituohang private army ni Quiboloy nga karon padayong giimbestigahan ug padayon sab nga gi-background check ang ilang nakuhang mga pangalan.
RadyoMaN Kirby Manzon
