PBA – Lalagda umano sa isang two-year maximum contract si Allein Maliksi sa kanyang team na Blackwater Elite.
Sinabi ng kampo ni Maliksi na pipirmahan nito ngayong linggo ang renewal contract na nagkakahalaga umano ng halos P10-milyon.
Sinabi rin ng team owner na si Dioceldo Sy, malaki umano ang potensyal ng 30-anyos na dating UST player kaya inalok nila ito ng dalawang taong kontrata.
Napag-alamang mahalaga ang naging papel nito sa pagkakatuntong ng Elite sa playoffs, ngunit bigo naman itong umusad dahil napigilan sila ng Meralco Bolts.
Ang pagbabalik na ito ni Maliksi ay nagbigay kasiguraduhan sa koponan na magkakaroon sila ng isang palabang starting unit na binubuo nina Roi Sumang, John Paul Erram, Mac Belo at Mike Digregorio.
Facebook Comments
