Davao City – Luwas na sa makuyaw nga kahimtang ang mayor sa lungsod sa Sta. Cruz Davao del Sur human matumba sa dihang namulong atubangan sa mga kaubang empleyado ug supporters.
Natumba nga nawad-an sa panimuot si Mayor Alexis ‘Dodong’ Almendras samtang namulong rason nga gidali sa Davao Doctor’s Hospital.
Gikatakda unta kagahapong adlawa mu file sa iyang COC si Almenras pagka bise mayor kauban ang iyang ka tandem nga si Atty. Joel Lopez ug mga konsehal sa lungsod sa Sta. Cruz.
Hinuon gikumpirma sa usa sa mga personal staff ni Almendras nga matingug na ang mayor apan magpabilin pa kini sa maong hospital alang sa dugang medical examination.
Si Almedras nahimong konsehal sa syudad sa Davao sa wala pa kini mubalhin sa iyang pagpamulitika sa Davao del Sur.
RadyoMaN Erin Lumosbog
