Roxas City, Capiz- Ginalauman nga sa maabot nga bulan sang Hulyo, dulongan na nga mapasiga ang gina-obra nga street lights sa Arnaldo Boulevard sa barangay sang Baybay.
Ini ang ginpasalig ni City Engineer Rosano Anisco, kun sa diin masobra sa 40 ka mga lamp post nga nahamtang sa center island sa Arnaldo Boulevard ang sa subong ginatakdan na sang mga electrical wirings.
Sa mahibaluan, gin-implementar ang proyekto nga pagpasanag sang dalan padulong sa Brgy. Baybay bangud man sa serye sang mga aksidente kun sa diin pila ka mga persona ang ginbawian na sang kabuhi.
Samtang sa pihak nga bahin, ginahulat pa sang City Engineers Office ang mga materyales para sa pag-obra sang traffic lights sa Roxas City.
Nahibaluan nga base sa pahayag ni Anisco, Hunyo 15 pa kuntani ginalauman ang pag-abot sang mga materyales nga halin pa sa pungsod China.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
