Davao City – Panahon na nga ibalik ang Alsa Masa aron hingpit nang mabatonan ang kalinaw dinhi sa Mindanao.
Atol sa interbyu ni RadyoMaN June Duterte sa tulumanong ’Straight to the Point’ kang Department of Interior and Local Government (DILG) Usec. Martin Diño, gisugilon niini nga gikinahanglan magtinabangay ang katawhan aron mabatukan ang mga dautang elemento nga padayong nagalihok karon sama sa New People’s Army (NPA), iligal nga droga ug uban pa.
“Ito rin ang gusto ng pangulo natin na magkaroon ng economic development lalo na sa Mindanao para sa mga investors,” matud niini.
Nanghinaut si Diño nga magpadayon ang Martial Law sa Mindanao diin gitataw nga ang mga warlord ug mga abusador sa gahum ang dili uyon niini.
Mientras sa pikas bahin, suhestiyon ni kanhi Brgy. Agdao kapitan ug nangulo sa Alsa Masa kaniadtong dekada ’80 dinhi sa syudad sa Davao nga si Rolando ‘Boy Ponsa’ Cagay, angayan nga unahon sa Philippine National Police (PNP) ang pagbatok sa iligal nga droga inay sa teroristang grupo gumikan sagad sa mga membro sa NPA mutahan na karong panahona.
“Ang angay bantayan mao ang droga gumikan sagad sa mga NPA musurrender na, ang dili lang manurender mao ang mga kolektor sa droga,” gikanayon niini.
RadyoMaN Jason Amisola
