Malaybalay City, Bukidnon – – Gikumpirma sa Malaybalay City Division nga adunay kamanduan nga gipagawas si si Dr. Allan Farnazo, ang regional director sa DEPED 10 sa pagpahigayon og alternatibong pamaagi sa pagsaulog sa Christmas Party isip pagpahinungod sa mga biktima sa Marawi Siege.
Sa interview sa RMN Malaybalay ngadto kang Dr. Edilberto Oplenaria, ang schools division superintendent sa DEPED-Malaybalay gibutyag niini nga base sa memorandum no. 511 series of 2017 nga gipagawas ni Dir. Farnazo nga gi-uluhan ug “Observing alternative Christmas celebration”, wala matud pa kini nagpasabot nga gipakanselar ang mga christmas party hinoon gi-awhag niini sa tanang pampublikong tulunghaan sa rehiyon nga ayha magpahigayon ug tradisyunal nga Christmas party, usa ka alternatibo na lang ang himoon agig pahinungod sa nahitabo sa Marawi City.
Alayon niini, aduna usab matud pay pagahimoon nga search for the best alternative Christmas celebration sa rehiyon.
Tungod niini, nagpakanaug matud pa si Dr. Oplenaria ug kamanduan ngadto sa mga school head nga maghuna-huna ug alternatibong pagpahigayon sa Christmas celebration.
Plano usab daw nila nga magpahigayon ug mga kalihukan nga makabenepisyo ninii ang mga nanginahanglan ug tabang.
