CAUAYAN CITY — HINDI BIBIGYAN NG BAGSAK NA GRADO ANG MGA ESTUDYANTENG KINAKAILANGANG I-ISOLATE DAHIL SA HAND, FOOT AND MOUTH DISEASE (HFMD), MATAPOS IPAHAYAG NG SCHOOLS DIVISION OFFICE (SDO) CAUAYAN NA IPATUTUPAD ANG ALTERNATIVE DELIVERY MODE (ADM) UPANG MATIYAK NA TULOY-TULOY ANG PAG-AARAL KAHIT MAY SAKIT ANG MGA MAG-AARAL.
AYON KAY DR. MENDEZ NG SDO CAUAYAN, IPINATUTUPAD ANG SUSPENSYON NG KLASE DEPENDE SA LAWAK AT BILANG NG MGA KASO.
KAPAG MAY APAT HANGGANG LIMANG CLINICALLY DIAGNOSED CASES SA ISANG SILID-ARALAN, AGAD NA ILILIPAT SA ADM ANG KLASE. NGUNIT KUNG KALAT NA SA IBA’T IBANG SECTION ANG MGA KASO, SUSPENSYON NA NG KLASE ANG IPAG-UUTOS UPANG MAISAGAWA ANG DISINFECTION SA MGA PAARALAN.
DAGDAG PA NI DR. MENDEZ, HINDI PINAPAPASOK ANG MGA BATANG MAY SINTOMAS NG HFMD, NGUNIT MAAARI NANG BUMALIK ANG MGA ITO SA KLASE KAPAG GUMALING AT WALA NANG SINTOMAS.
NILINAW DIN NIYA NA ANG SUSPENSYON NG KLASE AY HINDI NANGANGAHULUGANG MATITIGIL ANG PAGKATUTO DAHIL IPAGPAPATULOY ITO SA PAMAMAGITAN NG ADM, GAMIT ANG MODULES AT IBA PANG ALTERNATIBONG PARAAN NG PAGTUTURO.
HINDI UMANO PWEDENG IBAGSAK ANG BATA DAHIL LAMANG SA HINDI SIYA NAKAPASOK PHYSICALLY. KUNG DAHIL SA SAKIT ANG DAHILAN NG PAGLIBAN, HINDI ITO MAMARKAHANG ABSENT.
SA PAMAMAGITAN NG PATAKARANG ITO, LAYON NG SDO CAUAYAN NA MAPANGALAGAAN ANG KALUSUGAN NG MGA MAG-AARAL AT SABAY NA TIYAKIN ANG KANILANG KARAPATAN SA EDUKASYON SA GITNA NG BANTA NG NAKAHAHAWANG SAKIT.
