Davao City – Gi-awhag sa Department of Agriculture (DA) ang mga apektadong hog raisers sa African Swine Fever (ASF) nga magbaton og laing panginabuhian gawas pagbuhi og baboy.
Sa interbyu sa DXDC RMN Davao kang Noel Provido, Spokesperson sa DA-XI, gisaysay niini nga samtang dili pa madeklara nga ASF-free ang usa ka lugar mamahimo silang magbuhi og kanding, manok o bisan pagpangisda kung anaa sila duol sa mga coastal areas.
“Kung pwede they go into goat production. They can go to chicken production. Kung coastal areas pwede siguro kung maka loan sila, they can go to fishery production,” saysay ni Provido.
Nasayran nga adunay gitanyag nga loan alang niadtong ASF-affected hog raisers diin mamahimo lamang silang muduol sa ilang munisipyo o sa mismong opisina sa DA aron sila maka-avail ug mapasabot sa sistema niini.
RadyoMaN Kirby Manzon
