Gani tan-aw pa ni TUCP Mindanao Labor Consultant Dodong Bollena nga hayan gipatawag sa Legal Department sa Kumpanya ang service crew ug dunay dakong posibilidad nga gihadlok kini aron muhawa kini sa trabaho kay sa mao nga paagi masalba pa sa Food Chain ang ilang mensahe sa publiko.
Nabalaka si Bollena nga basin nagpirma og quit claims ang service crew ug kon mao kana ang sitwasyon nan maglisod na og habol sa kumpanya ang nasampit nga trabahante, apan ugali mapasabot sa kumpanya ang katuyoan sa quit claims nan dinhi dapita puwede kwestiyonon ang gihimo nga lakang sa management.
Segun ni Bonella nga andam tabangan sa TUCP ang nasampit nga service crew pinaagi sa ilang abogado aron maoy magpresenta sa service crew pag-abot sa kasohay sa DOLE XI o dili ba kaha s NLCRXI.
Hangtod karon wala pa muduol sa TUCP Mindanao Office ang nasampit nga service crew aron matabangan na kini sa ilang labor lawyer diha sa pagduso og reklamo batok sa food chain company.
Subay sa post sa maong service crew, gikonpirma niini nga nagduso na kini sa iyang resignation sa kumpanya uban sa pagpadayag sa gibati ug maingon sab pagpangumosta sa iyang mga kaubanan sa food chain.
RadyoMaN Joel Viray
