Davao City – Mas maayo sa korte nalang tubagon ni Davao Del Norte 2nd District Congressman Antonio Floirendo Jr. ang kaso nga graft and corruption nga gipasaka ni House Speaker Pantaleon Alvarez sa Office of the Ombudsman.
Kini human nagpagula na og orden de aresto ang Sandiganbayan 6th Division batok kang Floirendo Jr. karon lamang adlawa.
Kahinumduman, giakusahan ni Alvarez si Floirendo Jr. nga gigamit niini ang gahom dihang kongresista pa kini sa ikaduhang distrito gikan 2001 ug 2004 aron marentahan sa Tagum Agricultural Development Company Incorporated ang tulo ka hektarya sa Penal Colony sa barato nga abang.
Gibarugan sa House Speaker nga adunay nagpatigbabaw nga conflict of interest sa kasabutan tali sa TADECO ug Bureau of Corrections gumikan kay nagbaton og share of stocks ang magbabalaod sa kompanya nga muabot og 7.5 milyon.
Nasayran nga una nang gisulti sa Ombudsman nga supak sa balaod ang pagbaton og financial interests sa bisan kinsang mga opisyal sa gobyerno sa gisudlan nga mga kontrata niini sama sa TADECO ug DaPeCol ilawom sa kadumalahan sa BuCor.
Wala pa’y gipagula nga reaksyon ang kampo ni Representative Antonio Floirendo Jr. labot sa warrant of arrest nga gipagula sa Sandiganbayan.
RadyoMaN Joel Viray
