Davao City- Wala makaikyas sa operasyon kontra droga sa Lasang Police Station, ang usa ka alyas “AMO” ug nadakpan kini sa mga otoridad.
Napalitan sa pulis sa gituohang shabu si Alyas “Amo” nga naila sa tinuod nga pangalan nga mao si Jerson Dacup, 26 anyos, ulitawo, ug nagpuyo sa Upper Ilang ning syudad.
Gilayon gipusasan sa mga otoridad ang dinakpan human gidawat niini ang 500 pesos nga mark money kung nakuha pa ang laing duha ka pakete sa gidudahang shabu, motorsiklo, ug uban pa, sa buy-bust operation nga gikasa sa Kilometer 17, Highway sa maong Barangay alas 8:00 sa gabii
Sumala ni Police Major Noel Villahermosa, Hepe sa Lasang Police Station nga gipailawom sa monitoring ang dinakpan tungod sa report nga nalambigit sa illegal nga kalihukan ang suspek.
Kasong kalapasan sa Republic Act 9165 (Comprehensive Dangerous Drugs Act of 2002) ang kasong isang-at batok sa dinakpan.
RadyoMan Joel Viray
