Davao City – Patay ang usa ka John Roy Delos Santos Padayos, 26 anyos, alyas “Gamay”, construction worker, residente sa Brgy. Pampanga, Lanang, Davao City, human misukol sa buy bust operation sa nakalabay’ng gabii, kansang adunay kasong kalapasan sa RA 10591 o Illegal Possession Firearms og Top 5 City Level High Value.
Sa interbyu sa DXDC RMN Davao kang Police Major Jake Goles Station Commander sa Sasa Police Station gibutyag niini, dugay-dugay na usab kini ginapanid-an sa kapulisan og gipailawom sa undergo surveillance. Segun ni Goles, ang suspek nagbaligya og droga sa area sa Bunawan, Bajada ug Sasa area ning dakbayan sa Davao.
Sa gihimong buy bust operation sa mga awtoridad sa Doña Asuncion road, Brgy. Pampanga, imbes motahan sa kaugalingon, kalit niyang gipusil ang poseur buyer, apan abtik nga nakabalos og pusil ang pulis.
Gidala sa Southern Philippines Medical Center (SPMC), apan nakabsan sa kinabuhi si Gamay. Nakuha gikan sa posisyon sa suspek ang 6 ka pakete sa gituohang shabu (7.5 grams) nga nagkantidad og P120,000.
RadyoMaN Don Pulayao
Facebook Comments
