Sikop sa buy bust operation sa kapolisan sa Lumbia sa Barangay Bugo ang usa ka lalaki giilang si alyas ‘’konsehal’’.
Matud ni Police Captain Dennis Ebsolo, ang Hepe sa Police Station 8 Lumbia nga naila ang suspek nga si Neil Olan Torayno alyas ‘’konsehal’’, 45 anyos, taga Lower Barangay Bugo ning syudad.
Dugang pa ni Captain Ebsolo, nga gitawag nga konsehal ang suspek tungod kay kini na ang itawag kaniya sa bata pa siya, tungod sa permi niya pagsuot og mga slacks nga pantalon ug tiktak.
Nasayran nga nadakpan si Torayno alas 11;40 kagabei tungod kay ang suspek mao ang downline sa unang operasyon sa kapolisan sa Barangay Carmen ning syudad, human nga mihatag og impormasyon ang nadakpan nga si Rolando Abastillas.
Giklaro ni Captain Ebsolo, nga sa wala pa sila mosulod sa area sa Bugo, nakig-coordinate na sila sa kapolisan sa Puerto ug City Intelligence branch ning dakbayan.
Kanhi na mga nalambigit sa droga ug gikan na sa presohan ang duha ka suspek nga nadakpan sa buy bust operation sa kapolisan sa Lumbia polis station sa managlahing dapit ning syudad.
Kini ang gibutyag ni Police Captain Dennis Ebsolo- ang Hepe sa Polis station 8 Lumbia.
Matud ni Captain Ebsolo nga kini nga mga suspek nakagawas tungod sa plea bargaining ug mibalik gihapon sa ilang trabaho.
