Davao City- Nipatim-aw sa atong sibyaanan sa DXDC 621 RMN Davao ang ama-ama ni Renato Bayansao kun Empoy usa sa mga respondent sa Bragas Rape Slay case aron magpatabang.
Sumala ni Alyas Jojo, nabalhin na sa Davao City Jail si Empoy, kinsa gikasuhan sa paglapas sa RA 9165 ug Rape with Homicide sa paglugos patay kang Architect Vlanche Marie Bragas nga nahitabo niadtong Mayo 17,2023.
Gibutyag niini nga wala pa silay nadawat nga subpoena kun wala pay summon gikan sa City Prosecutor’s Office may kalabutan sa rape with homicide.
Nanawagan kini og legal assistance aron makapyansa ug ilahang malimpyo ang pangalan sa iyahang anak sa nasangpit nga mga krimen.
Hugot gihapong gibarugan sa pamilya ni Empoy nga inosente kini ug wala kiniy kalabutan sa pagpatay sa dalagitang architect.
RadyoMaN Aimee Guinita
Facebook Comments
