Davao City – Arestado sa kapolisan sa San Pedro PNP ang usa ka personahe sa Civil Security Unit (CSU) human matud pa nangmolestiya sa iyang kaugalingong 14-anyos nga anak nahitabo niadtong milabay’ng adlaw didto sa Bucana Brgy. 76-A, siyudad sa Davao.
Sumala sa report gikan sa kapolisan San Pedro, naila ang suspek nga si alyas Ray, hingkod ang edad, ug residente sa nahisgutang lugar.
Matud pa samtang nagtrabaho ang iyang asawa niadtong tungora, nakahigayon ang suspect sa pagmolestiya sa iyang anak diin gihubuan ug dayon gihalukan kini.
Human sa maong insidente, wala na ka agwanta ang biktima gani misumbong kini sa iyang inahan ug daling nagpatabang sa kapolisan resulta sa pagkasikop sa maong suspetsado.
Sa gihimong pagpanubay sa San Pedro PNP, kaduha na matud pa gihimo sa iyang amahan ang pagpanglugos diin sa unang higayon malamposon kining nabuhat sa suspek ug nasayran nga gipailawom na kini sa rehab niadtong milabay’ng tuig.
Karong adlawa, gikatakdang ipasaka sa kapolisan ngadto sa korte ang kasong lugos batok sa suspetsado nga alegasyong nanghilabot sa iyang kaugalingong anak.
RadyoMaN Don Pulayao
