Amahan alegasyong nangmolestiya sa anak, mipatim-aw

Davao City – Midangop sa Buhangin PNP ang usa ka amahan aron limpyohan ang iyang pangalan labot sa alegasyon nga gimolestiya niini ang iyang anak.

Hugot gilimod ni alyas John, hamtong ang pangidaron, may kapuyo, ug nagpuyo sa San Isidro, Davao del Norte ang pasangil sa iyang igsoon nga si alyas Pedro nga gihilabtan niya ang iyang anak nga babaye.

Sumala sa amahan nga iyang gihulaman ang iyang anak gikan sa poder sa iyang igsoon aron moduaw sa puntod sa ilang inahan sa Buhangin Memorial Park alas-7:00 sa buntag.


Apan natingala na lamang kini tungod gipagawas sa iyang igsoon nga gimolestiya niya ang iyang anak butang nga gipangulipas sa nahisgutan.

Mihimo na og dugang pagpanubay ang mga otoridad labot sa giingong pagmolestiya sa amahan ngadto sa iyang anak.

RadyoMaN Joel Viray

Facebook Comments