Sa interbyu sa DXDC RMN Davao, gibutyag ni Bernard Cuamag, amahan sa suspek nga si Junard Cuamag o nailang Bebe, kaduha na kining napriso tungod kay nakuhaa’g armas.
Matud niini kay nalambigit na kini sa pagpangawat, gitambagan niya kining dili sa ilahang panimalay muuli aron dili madamay ang mga manghod sa suspek.
Apan diskumpyado ang amahan nga nanghostage kini tungod kay ang babaeng nireklamo ang niimbitar nga patulgon kini niadtong nakalabayng gabie sa maong balay diin nahitabo ang shootout ug napatay ang suspek tali nirespondeng mga pulis pagkabuntag niadtong Nobyembre 10,2023.
Subay sa kultura ug tradisyong Islam, buot sa amahan nga sa hinanaling panahon malubong ang iyahang anak inig makuha na ang patayng lawas sa Southern Philippines Medical Center (SPMC).
RadyoMaN Aimee Guinita
