Davao City – Tulo ang dead on the spot samtang usa ang kritikal human gipangdunggab sa usa ka amahan ang iyang kaugalingong minor de edad nga mga anak alas-11:00 pasado kagabii nahitabo sulod sa ilang panimalay sa may Prk 1 Brgy. San Isidro Babak, Island Garden City of Samal (IGACOS).
Ang suspek naila nga si Joel Nonoy, 40 anyos, minyo, ug karpintero, kinsa gidunggab matud pa ang kaugalingon human dunggaba-patay ang iyang mga anak nga sila si alyas Reje, 14 anyos, alyas Carl, 11 anyos, ug alyas Ana, 9 anyos samtang kritikal karon sa Southern Philippines Medical Center (SPMC) si alyas Pia, 4 anyos.
Atol sa eksklusibong pakighinabi kang PO3 Joconer Coronel sa IGACOS PNP, gibutyag niini nga adunay panagbangi si Joel tali sa iyang asawa ug nagbahad matud pa nga kung dili na mubalik ang asawa niini pamatyon niini ang ilang mga anak.
Giluba niini ang kaugalingon human dunggaba ang mga anak apan natabang si Joel ug nagpaalim na karon ug ang nahibiling anak niini nga si alyas Pia sulod sa SPMC.
Hugot nga ginabantayan karon si Joel sa kapulisan sa IGACOS diin naka posas sa higdaanan niini samtang ang tulo niini ka mga anak anaa na sa punerary sa Samal.
Karong adlawa ipasaka ang kasong multiple parricide ug frustrated parricide batok sa amahan.
RadyoMaN Jason Amisola
