Gipatay sa iyang kaugalingong anak ang usa ka 48 anyos nga amahan samtang kini natulog sa ilang pinuy-anan sa Villa Celina sa Barangay Tungkil lungsod sa Minglanilla .
Ang biktima nailhan nga si Solaine Maquilan ,samtang ang anak nga maoy suspetsado mao si Cyril John Maquilan , 19 anyos ang edad .
Matud ni PO3 Nikki Carlo Plarisan sa Minglanilla Police Station nigamit ang anak ug extension wire sa pagtook sa iyang amahan samtang kini natug .
Nasayran nga ang biktima managmal sa iyang anak matag higayon nga kini mahubog .
Gipasabot ni Plarisan nga wa dayon nila masayri nga “parricide” ang kaso tungod kay unang gitohoan sa pamilya niini nga giatake kini samtang natug .
Apan sa pag-otopsiya sa patayng lawas , nasuta nga aduna kini foul play ,hinungdan nga nagpatabang ang pamilya sa pag-imbistigar .
Sa imbistigasyon ang anak nga si Cyril John niangkon nga siya ang nagtook sa amahan ug nakit-an usab ang wire nga gigamit niini .
