Amahan sikop human gialegahan nga gikunsumo ang 2 ka anak
Sikop sa gikasang operasyon sa Carmen Municipal Police ang suspek nga nagbaton ug ihalas nga armas ug marijnuana ug miamong among sa iyang duha ka anak nga babaye.
Bitbit ang search warrant nga giisyu ni Hon. Judge Nemeson CaƱete, Municipal Trial Court sa Nasipit, Agusan del Norte gisulod sa kwerpo sa kapulisan ang panimalay sa suspek nga si Danny Boy, 54 anyos, minyo residente sa Carmen Agusan del Norte ug malampusong nakuha ang .38 revolver ug pinaugang dahon sa marijuana.
Misulay pa unta pagsukol ang suspek pinaagi sa pagwara-wara ug sundang ug mikuha sa iyang .38 nga revolver apan na-kontrola ra kini sa mga otoridad.
Gawas sa kalapasan sa pagkupot ug armas ug marijuana kasohan usab ang suspek tungod sa pag-unay ug konsumo sa iyang 15 anyos nga anak.
Gibutyag ni P/Capt. Jennifer Omiter, hepe sa Carmen MPS nga nadiskobrehan nilang dugay nang gikonsumo sa suspek ang kaugalingong anak hangtud nga nakabaton silaāg anak niini.
Sigun sa impormasyon, dalhon matud pa sa bukid ang iyang anak ug didto niya kini panamastamasan apan mismo pamilya niini ang dili na mosumbong sa kapulisan.
Dugang ni P/Capt. Omiter nga gipatawag na sa Barangay ang pamilya apan nagdumili kini sa pakig-alayon maong walay napasakang kaso ang Municipal Social Welfare and Development Office (MSWDO) ug Women and Children Protection Desk (WCPD) sa Carmen PNP.
