General Santos City – Kahilakon nga nangayo og pasaylo ang usa ka amahan human siya nga nag-wild sa birthday party sa iyahang anak human makulatahan tungod sa empluwensya sa ilimnong makahubog.
Base sa spot report gikan sa Fatima Police Station, giila ang nag-wild nga amahan sa pangalang Michael Tabao, 43 anyos, traysikad drayber ug residente sa Zone 9-B, Barangay Fatima ning siyudad.
Gireklamo ang nasangpit sa iyahang umagad og bayaw tungod gipangguba niini ang mga kural ug ginasulayan nga bun-ogon ang ilahang purok chairman nga si Nena Barnachea.
Dugang sa report sa kapolisan, naabtan pa sa mirespondeng pulis nga padayong mihimo og kasamok sa lugar si Tabao.
Gisulayan nga i-pacify sa mga pulis si Tabao apan nagsige matod pa kini og panumbag dungan sa pagsibat nga nakatiniil.
Malampuson gihapon nga nasikop ang nasangpit sa mirespondeng mga pulis.
Apan saysay ni Tabao, nahubog matod pa siya samtang ginasaulog ang birthday sa iyahang anak.
Aduna matod pa nahitabo nga lalis sa iyahang pamilya hinungdan iyang giadtoan.
Nabadlong matod pa siya sa purok chairman hinungdan nga siya natumba.
Self-defence matod pa ang gihimo sa nasangpit hinungdan sa iyahang pagsukol.
Hinuon nangayo kinig pasaylo sa iyahang nahimo ngadto sa iyahang umagad og bayaw ingon man didto sa purok chairman.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: amahan nag wild.jpg]
