Davao City – Gikumpirma sa Sta. Cruz Municipal Police Station (MPS) nga walay foul play ang pagkalumos-patay sa usa ka lalaki nga nakit-an sa sapa sa Ceboley, Zone 3, Sta. Cruz, Davao del Sur niadtong Sabado, May 11, 2024.
Sa interview sa DXDC RMN Davao sa Sta. Cruz MPS, giila ang biktima nga si Roy Olivar, 40 anyos, factory worker, minyo ug residente sa Zone 4, Sta. Cruz sa maong probinsya.
Saysay sa pulis nga pag-uli sa lalaki sa ilang balay, posibleng wala na niya nabantayan nga midako na ang iyahang agianang sapa, rason sa iyahang pagkalumos diin nasayrang mismong adlaw’ng natawhan usab kadto sa iyahang nag-inusarang anak nga babae.
Sa imbestigasyon, pagka-ugma pa narekober ang patay’ng lawas sa biktima nga nakit-an na lamang kilid sa sapa.
Dugang pa nga niadtong higayona sa dihang mibiyahe na usab ang asawa niini padulong mag-abroad. Sa pagkakaron, giasikaso na sa kabanay ang pagpahilona sa patay’ng lawas sa biktima.
RadyoMaN Kirby Manzon
Facebook Comments
