![WEBSITE-18-×-10-in-78.jpg](https://i0.wp.com/rmn.ph/wp-content/uploads/2024/07/WEBSITE-18-×-10-in-78.jpg?resize=696%2C387&ssl=1)
Sa interview sa DXDC RMN Davao kang Dolorico Doromal Sr., taga Dawan, Mati City, Davao Oriental, iyahang gisaysay nga nawala ang iyahang anak nga si Dolorico Doromal Jr. alyas Bajun nga alas 3:00 sa kaadlawon niadtong Martes, July 23, 2024 sa dihang mihawa sa ilang balay iyahang anak ug nasayran nalang niini nga miadto kini sa ilang paryente sa Davao de Oro.
Matud sa amahan nga na-diagnose ang iyahang anak og bipolar disorder apan miundang kini og tumar sa iyang maintenance nga tambal.
“Niaksyon ko’g kabalaka ba kay magsinggit ra ba (akong anak). Ang behavior niya magsinggit-singgit (hagit) og patay unya basin og wala nakaila, patulan ba. Ipahibalo lang nila kung kinsay makakita sa akong anak. Magpakitabang gyud ko. Kinahanglang ipahibalo sa inyuha sa RMN o sa kapulisan,” panawagan sa amahan.
Matud sa amahan, napatala na sab nila ang insidente sa mga kapulisan asa katapusang nakit-an ang anak. Nanghangyo sab kini nga i-hold ang anak kung makit-an kini aron gilayon kining makuha ug dili na maabot pa sa layo. Mamahimong i-contact ang amahan sa 0936-140-5293.
RadyoMaN Kirby Manzon