Amahan nangmolestiya sa stepdaughter dakpan

Davao City – Arestado sa hiniusang pwersa sa awtoridad ang usa ka Alyas Jack, 39-anyos, mag-uuma ug residente sa Lupon, Davao Oriental nahitabo alas-9:00 sa buntag adllaw’ng Biyernes, Oktubre 11.

Pinaagi kini sa gipagulang Warrant of Arrest nga gipagula ni presiding Judge Emilio Dayanghirang III sa RTC-XI, Branch 32,11TH Judicial Region, Lupon Davao Oriental kaniadtong Setyembre 9, 2019 gumikan sa kasong qualified rape nga walay girekomendang piyansa.

Nasayran nga gireklamo ang suspek sa iyang stepdaughter tungod sa ikapila ka higayon nga pagmolestiya niini sa bata sulod sa balay panahon nga wala ang inahan niini.


Sumala ni PRO-XI Regional Director Brig. Gen. Marcelo Morales, niadtong 2013 diin 6 anyos pa ang bata gisugdan og paglugos kini sa biktima diin ang pinakaulahi lang niadtong Oktubre 2018.

Si alyas Jack giila isip Top 2 Most Wanted person sa munisipalidad sa Lupon diin kini anaa na sa kustodiya sa kapulisan.

RadyoMaN Jason Amisola

Facebook Comments