Sa interbyu sa DXDC RMN Davao kang Police Major Nidzfar Mangkabong, Acting Chief of Police sa New Corella Municipal Police Station (MPS), giila niini ang biktima nga si Marcelino Micla Lanaza, 57 anyos, minyo, mag-uuma ug residente sa Purok 5, Sitio Dasing, Barangay Mesaoy, New Corella samtang ang suspek mao si Dominick Lanaza, anak sa biktima.
Sa imbestigasyon, nasuko ang amahan sa iyang anak human nga gigamit niini ang iyang motor nga walay pananghid ug didto na nahitabo ang krimen.
“Based on our investigation, kaning motor man gud sa iyang papa hiniram nya daw, hindi sya nagpaalam. Tapos nagalit daw ‘yung tatay. Nag-away sila. Nagalit (din) ang anak,” saysay ni Mangkabong.
Tungod sa kasuko usab sa anak nga giingong hubog niadtong higayona, mikuha kini og kahoy ug gibunalan sa katulo ka higayon ang amahan diin naigo kini sa iyang ulo. Nadala pa sa New Corella Municipal Health Center ang biktima apan gideklara na kining dead on arrival.
Padayon karong gipalawman sa awtoridad ang imbestigasyon sa insidente.
RadyoMaN Kirby Manzon
