Amahan, nasikop sa anti-illegal drug buy bust operation sa CDEU!

Ang amahan nga nadakpan atol sa gihimong anti-illegal drug buy bust operation sa mga operatiba sa CDEU ubos sa pagpangulo ni PMaj. Excyllo Alcantara. / Photo by: RadyoMaN Andy Coco

Nasikop sa mga operatiba sa City Drug Enforcement Unit kon CDEU ang usa ka amahan kagahapon sa hapon.  Kini atol na sa anti-illegal drug buy bust operation nga gikasa nga mga operatiba sa CDEU diha sa Zone 4, Brgy. Bayabas ning syudad sa Cagayan de Oro.

Gi-ila sa otoridad ang dinakpan nga 52 anyos nga si Jingle Nacnac, minyo nga amahan, walay trabaho nga residenti sa maong lugar.

Nasayran ang suspek ana-a kini sa drugs watchlist sa maong ahensya kung diin gikumpirma kini ni Brgy. Bayabas Kagawad Romeo Taruc nga iladong tigpayuhot sa iligal nga druga sa ilang dapit.


Gikabutyag nga napalitan sa usa ka sachet sa gituhoang shabu ang suspek balor 500 pesos nga maoy hinungdan sa pagka-aresto ni-ini.  Atol sa pagrekisa sa suspek aduna pay nahitabong commotion dihang miduol ang anak ni-ini nga agresibo kaayong miduol sa mga personahe sa CDEU.  Apan napakalma lamang kini dihang gi-challenge sa mga operatiba nga barugan sa korte ang pasangil ni-ining gi-plantingan sa ebidensya ang iyang amahan.

Nakuha gikan sa suspetsado ang lain pang usa ka sachet sa gituhoang shabu ug ang 500 pesos nga ginamit isip buy bust money.

Gibana-banang motimbang sa tunga sa gramo ang nakuhang mga kontrabando gikan sa suspek nga dunay street value nga 3,400 pesos.

Gidala gilayon si Jingle Nacnac sa mga operatiba sa CDEU ug temporaryong gi-detained sa Maharlika detention cell samtang giandam na ang tukmang kaso batok kaniya.

Kasama mo sa CDEU, RadyoMaN Andy Coco, DXCC Tatk RMN!

Facebook Comments